الشاعرة رحاب محمد تتالق فىمحبوبة القيصر
ما بين الرمش والنني بلاقي الروح
بتتلفح بموجة بحرك الحاير
وتكتبلك حروف قلبي ع سطر الشوق بتتعايق
وتهديلك / تحياتي ف قلب رسالة مطوية
علي شطك
وتسمع صوتها يتهجي حروف اسمك
ودعوة يتيمة تتسرسب بلاش تبعد....
... بلاش تبعد بلاش تبقي ف هواك قيصر
وبتحارب جيوش أعداء
ما أنا عينتك القيصر ف قلب هواي
وقابلة أكون لمملكتك فصيلة دمها الأبيض
ف ليه تقفل ف ابوابك وتدفن كل حراسك
م انا عايشة وبستقبل كلامك كله ف رسايل
وتوحشني يجيني الخوف ويتمكن
ودمعة عيني تتخبي تعاتب رمشي والنني
تروح مني قصاد حرفك
ويتوحد تاريخ قلبي علي عرشك
والاقي لساني ينطقها ويتباهي
يقول للكون انا محبوبة القيصر
انا محبوبة القيصر
ليست هناك تعليقات:
إرسال تعليق