قصيدة المستحيل
للشاعرة المتألقة رحاب محمد
===============
قصيدة الميل أنا ليه باشوفك وسط الفصول .. زي الخريف .. ورقك ضعيف ؟! وانا قلبي شَب وقال يخطي ع الوجع يفتح شبابيك السحاب .. يلقي القمر مجروح حزين ! كان نفسه يقرا السهرانين يرسم غناهم ف السَـحَر تقوى النجوم بس القمر … لسَّاه حزين ! السهرانين مابقوش يخطوا .. ع الوجع عاشوا الأنين ويا الدموع مترصصين وأنا قلبي شَب وقام مخطي قال هاعدي هارمي نص الذكريات فوق الرصيف واطلع هناك …. فوق ف السما …… جنب القمر هاعشق حكاوي الليل معاه واما يطلع فجر تاني هازرع الورد ف نداه وافرش طريق الحلم نور مش مستحيل وان جِتلي تاني ف يوم حزين … هاقلب نجوم الليل شموس تعزف لك اللحن الجميل مش مستحيل المستحيل انِّي أكون .. عايشة الخريف .. وانا قلبي عاشق للربيع ده المستحيل .
ليست هناك تعليقات:
إرسال تعليق